Om oss

Patentstyret har sidan 1911 hjelpt næringslivet med å ta vare på verdiar gjennom å tildela patent, varemerke- og designrettar.​

Vi gjer idear til verdiar og vernar innovasjonar som blir tradisjonar.​​

Vi er ein medspelar og legg til rette for god forvaltning av immaterielle verdiar, som vil bidra til å sikra investeringar, forbetra lønnsomheiten, tryggja arbeidsplassar og auka verdiskapinga for verksemder i Noreg.​

Vi skal vere ein aktiv medspelar for forsking, innovasjonsmiljø og næringsliv – i tillegg til rolla vår som myndigheitsorgan.

Immaterielle verdiar kan utgjere inntil 90 % av verdiane i ein organisasjon. Når dei immaterielle verdiane i ein organisasjon eller bedrift blir forvalta godt, aukar sjansane for å lykkast med verdiskaping.

Samfunnsoppdraget vårt handlar derfor om å vere ein medspelar og legg til rette for god forvaltning av dei immaterielle verdiane, slik at lønnsemd og verdiskaping aukar hos bedrifter og generelt i det norske samfunnet.

Patentstyret har fire grunnleggjande verdiar som skal kjenneteikne det daglege arbeidet vårt og dei vala vi tek. Verdiane hjelper oss med å gjere visjonen levande, oppfylle samfunnsoppdraget vårt og nå måla våre.Vi skal arbeide aktivt med verdiane, og jamleg spørje oss sjølv og kundane våre om vi opptrer i samsvar med desse. Vi skal vere:

• truverdige
• kunderetta
• engasjerte
• løysingsorienterte

Patentstyret behandlar søknader og gir rettar til patent, varemerke og design i Noreg, til både norsk og utanlandsk næringsliv. Vi arrangerer kurs og held foredrag om immaterielle rettar og korleis dei kan sikrast og utnyttast til å skape verdi. I tillegg tilbyr vi ulike typar forundersøkingar. Her skaffar vi oversikt over teknologiområde og gir førehandsvurderingar av nye oppfinningar, varemerke og design.

Patentstyret er partnar i Nordisk Patentinstitutt og dermed internasjonal granskingsmyndigheit for patentsøknader gjennom det internasjonale søkjesystemet PCT. Nordisk Patentinstitutt utfører også ulike patentsøk og analysar for utanlandsk næringsliv.

Patentstyret vart oppretta i 1911. Følg historia gjennom 100 år.

I samband med 100-årsjubileet vårt i 2011 laga vi ein kavalkade om norske idear og nordmenn si oppfinnsamheit. Filmen er laga i samarbeid med NRK Aktivum.