Oppgåvene våre og korleis vi jobbar

Patentstyrets kundesenter og saksbehandlarar står klare til å hjelpe deg med rettleiing innan patent, varemerke og design. Med rettleiing meiner vi ei orientering om fagområda våre, og kva som er særmerkt for dei ulike rettsområda. Vi kan gje deg ei oversikt over kva moglegheiter som finst, kva som skal til for å søke om rettar og kva det eventuelt kan bety for deg og verksemda di.

Treng du meir individuelle og taktiske råd, tilrår vi å bruke eit patentkontor, ein IP-rådgivar eller ein annan privat aktør som er ekspert på området. Slik rådgjeving ligg utanfor oppdraget vårt som offentleg myndigheit.

Patentstyrets hovudoppgåve er å behandla søknader og gi rettar til patent, varemerke og design i Noreg, til både norsk og utanlandsk næringsliv.

Her kan du lese meir om oppgåvene våre.

Vi kan levere kopiar av søknader og andre saksdokument.

Patentstyret har ei definert rolle som offentleg myndigheit. Derfor kan vi blant anna ikkje hjepe deg med følgjande:

• Utforme og skrive søknaden din - varemerkesøknad, patentsøknad eller designsøknad.
• Vurdere om noko kan patenterast eller registrerast som varemerke eller design. Dette vil du får svar på etter at du har levert inn ein søknad, eller om du ber om ei forundersøking. 
  Be om ei forundersøking
• Gje råd om kva du skal gjere i ein konflikt med ein konkurrent.
• Vurdere det kommersielle potensialet av oppfinninga di eller produktet ditt.
• Gje økonomisk hjelp. Sjekk for eksempel:
  Innovasjon NoregNorges forskningsrådSkattefunnStarte og drive bedrift
• Tilrå ein særskild rådgjevar, fullmektig eller advokat. 
  Gå til rådgivarbasen hos Innovasjon Noreg
• Hjelpe deg med å finne samarbeidspartnarar
• Gje konkrete råd om lisensiering eller overdraging av rettar. 
  Les meir om lisensiering
• Registrere føretak eller føretaksnamn. 
  Da må du vende deg til Brønnøysundregistera.